Արամ (ֆիլմ)

Անվան այլ կիրառումների համար տե՛ս՝ Արամ (այլ կիրառումներ)

Արամ
Երկիր	Ֆրանսիա
Ժանր	մարտաֆիլմ և դրամա
Թվական	նոյեմբերի 27, 2002
Լեզու	ֆրանսերեն և հայերեն
Ռեժիսոր	Ռոբերտ Քեշիշյան
Պրոդյուսեր	Քրիստիան Բեռար
Սցենարի հեղինակ	Ռոբերտ Քեշիշյան
Դերակատարներ	Սիմոն Աբգարյան, Լյուբնա Ազաբալ և Մատիե Դեմի
Մոնտաժ	Ջուլիետտա Ուելֆլինգ
Պատմվածքի վայր	Փարիզ
Կինոընկերություն	BAC Films

Արամը ամերիկա-ֆրանսիական համատեղ գեղարվեստական ֆիլմ է նկարահանված ռեժիսոր Ռոբեր Քեշիշյանի կողմից։
«Արամ» ֆիլմը նկարահանվել է Bac Films, Canal+, Les Films A4, Studio Canal, Studio Images 8 հեռուստաընկերությունների մասնակցությամբ։ Ֆիլմը վարձույթ դուրս է եկել 2002 թվականի նոյեմբերին, իսկ 2003 թվականի հունիսի 29-ին ցուցադրվել է Մյունխենի կինոփառատոնում, որտեղ հաղթել է «Մեծ հույսեր» անվանակարգում։

2004 թվականի հուլիսի 2-ին ֆիլմը ցուցադրվել է հայկական «Ոսկե ծիրան» միջազգային կինոփառատոնում, որտեղ ներկայացված էր մրցույթի գրան-պրի անվանակարգում (գրան-պրի մրցանակը այդ տարի շնորհվել է Ատոմ Էգոյանի «Արարատ» ֆիլմին)։ Ֆիլմի հեռուստատեսային պրեմիերան կայացել է 2008 թվականի ապրիլի 14-ին Հունգարիայում։

Սյուժե

Սարգիսյանների ընտանիքը երկար ժամանակ ապրում է Փարիզում, արդեն ետևում են մնացել ծանր ժամանակները, պատերազմը և իրենց պատմական հայրենիքը լքելը։ Բայց նախկին ցավը կրկին զգացնել է տալիս, երբ Փարիզում ահաբեկչական գործողության ընթացքում ծանր վնասվածք է ստանում ընտանիքի փոքր տղան՝ Լևոնը։ Իմանալով այդ մասին՝ ընտանիքի հայր Միհրան Սարգիսյանն այդ սարսափելի ողբերգության համար մեղադրում է նրա մեծ եղբայր Արամին և ստիպում է լքել հայրական տունը։
Տարիներ անց Արամը, ով մասնակցել է Արցախյան ազատամարտին, գաղտնի վերադառնում է Ֆրանսիա։ Նա հանդիպում է փոքր քրոջ՝ Մելինեի հետ և պատմում նրան, որ որոշել է վրեժ լուծել ողբերգության համար, որը քայքայեց իրենց ընտանիքը։ Բայց Մելինեի հարսանիքի ժամանակ հայտնվում են մարդիկ ծայրահեղական ընկերությունից, ովքեր ուզում են հաշիվներ պարզել Արամի հետ ...

Դերասաններ

• Սիմոն Աբգարյան - Արամ
• Լյուբնա Ազաբել - Մելինե
• Սերժ Ավետիքյան - Թալաթ
• Ալան Մոտտե - Միհրան Սարկիսյան
• Մեթյու Դեմի - Լևոն
• Ժիլ Արբոնա - Պաուլ կրտսեր
• Իզաբելլա Սադոյան - Անուշ
• Օլիվեր Լուստաու - Մեհմեդ
• Ժան-Իվ Շատլե - փաստաբան Կավեջյան
• Մարկ Սամուել - Վարդան
• Ֆաբիո Զենոնի - Վիրգիլ
• Ժուլիեն Լամբրոչինի - Ստեփան
• Սմաիլ Մեկկի - Ֆոդիլ
• Սամիր Գեսմի - Սաադ
• Մալիկ Ֆարաուն - Նիզամետդին

Արտաքին հղումներ

• «Արամ»(անգլ.) ֆիլմը Internet Movie Database կայքում
• «Արամ»-ը Արխիվացված 2007-09-27 Wayback Machine Real Movie News-ում
• «Արամ»-ը Z Review-ում